Xosting xo‘jayini xatolik tufayli o‘z kompaniyasini barbod qildi

Xosting kompaniyasi xo‘jayini Marko Marsala o‘z qo‘li bilan server kompyuterlaridagi barcha ma’lumotlarni o‘chirib tashladi, deb yozadi “Hi-tech.mail.ru”. Bu koddagi kichik xatolik tufayli sodir bo‘ldi.

Foto: “Hi-tech.mail.ru”

Marko Marsala kompaniyaning barcha serverlarida “rm -rf {foo}/{bar}” degan satr bo‘lgan kichik skriptni ishga tushirdi. U ma’lum bir fayllarnigina o‘chirishi kerak edi. Ammo koddagi xatolik tufayli buyruq “rm -rf” sifatida bajarildi va barcha server to‘plagichlari tozalandi.
“rm -rf” buyrug‘ini Linux-tizimlarning ko‘plab foydalanuvchilari unchalik xush ko‘rmaydi. Chunki ijro etish chog‘ida u barcha ma’lumotlarni ogohlantirishsiz o‘chirib tashlaydi.
Uning xatosi natijasida 1535 mijozning barchasiga tegishli ma’lumotlar o‘chirib yuborildi. Shuningdek, zaxira nusxalariga ega qattiq disklar ham “zarba” ostida qoldi.
Marko Marsala yordam so‘rab, dasturchilar forumiga murojaat qildi. Unga ma’lumotlarni qayta tiklash uchun kichik ehtimol borligini aytishdi. Buning uchun kompaniya egasi ma’lumotlarni qayta tiklovchi mutaxassislarga murojaat qilishi kerak. Bu juda ko‘p vaqt talab qiluvchi va qimmatga tushuvchi jarayondir.
Batafsil | Подробно | Read more... Daryo