TIVdagi majlisda O‘zbekistonning tranzit salohiyatini oshirish imkoniyatlari muhokama qilindi

15-aprel, juma kuni O‘zbekiston Respublikasi Tashqi ishlar vazirligida xalqaro (yer usti) transport aloqalarini rivojlantirish va yagona transport diplomatiyasini ilgari surish masalalari bo‘yicha idoralararo ishchi guruhning navbatdagi majlisi bo‘lib o‘tdi. Bu haqda vazirlik matbuot xizmati xabar bermoqda .

Foto: “Gazeta.uz”

Tadbirda Tashqi iqtisodiy aloqalar, investitsiyalar va savdo vazirligi, Adliya vazirligi, Davlat bojxona qo‘mitasi, O‘zbekiston avtomobil va daryo transporti agentligi, O‘zbekiston Xalqaro avtomobilda yuk tashuvchilar uyushmasi, “O‘zdavtemiryo‘lnazorat” davlat inspeksiyasi va “O‘zbekiston temir yo‘llari” aksiyadorlik jamiyatining ekspertlari ishtirok etdi.
Yig‘ilishda xalqaro yuk o‘tkazmalarini rivojlantirish, mamlakatning tranzit salohiyatini oshirish imkoniyatlari, mazkur sohada xalqaro shartnomalar, jumladan, Markaziy Osiyo va Fors ko‘rfazi davlatlari o‘rtasida transport koridorini tashkil qilish ko‘zda tutilgan, Eron, Ummon, Turkmaniston va O‘zbekiston Respublikasi o‘rtasida imzolangan Ashxobod bitimini amalga oshirish masalalari muhokama qilindi.
Batafsil | Подробно | Read more... Daryo