Bundesliga, 30-tur. “Bayer” turnir jadvalida 3-o‘ringa ko‘tarilib oldi

Futbol bo‘yicha Germaniya Bundesligasida 30-tur bellashuvlari start oldi.

Foto: Getty Images

15-aprel sanasiga tayin qilingan turning birinchi o‘yinida Chempionlar Ligasi yo‘llanmasi uchun kurashayotgan Myunxengladbaxning “Borussiya” klubi so‘nggi o‘rinda borayotgan “Gannover”ga imkoniyatni boy bergandi.
16-aprel sanasidan joy olgan o‘yinlardan keyin Leverkuzenning “Bayer” klubi turnir jadvalida 3-o‘ringa ko‘tarilib oldi. Xavfli zonada borayotgan Frankfurtning “Ayntraxt” klubini qabul qilgan “Bayer”, yirik g‘alabaga erishdi.
Bunga qadar 3-pog‘onani egallab turgan Berlinning “Gerta”si esa safarda “Xoffenxaym”dan yengildi — 1:2.
Turning e’tiborga molik natijasi sifatida “Volfsburg”ning Bremendagi mag‘lubiyatini ko‘rsatish mumkin. Yevropa Chempionlar Ligasining yarim finaliga yo‘l ola bilmagan “Volfsburg”, Madriddagi mag‘lubiyatidan keyin “Verder” maydonida ham imkoniyatni boy berdi. Bundesligada mavsum yakuniga 4 ta tur qolganida Diter Xeking jamoasi kuchli to‘rtlikka kirish imkoniyatini keskin pasaytirib yubordi.
30-turni yakunlab bo‘lgan klublar egallab turgan o‘rin va ochkolar bilan tanishing: 3. “Bayer” — 51; 4. “Gerta” — 49; 5. “Borussiya Myunxengladbax” — 45; 8. “Volfsburg” — 39; 9. “Ingolshtadt” — 39; 10. “Darmshtadt” — 35; 11. “Gamburg” — 34; 13. “Xoffenxaym — 34; 14. Augsburg” — 33; 16. “Verder” — 31; 17. “Ayntraxt” — 27; 18. “Gannover” — 21.
Germaniya Bundesligasi
30-tur bellashuvlari
15 aprel, juma
“Gannover” — “Borussiya Myunxengladbax” 2:0 (0:0)
Gollar: Valdemar Anton, 49 (0:1). Artur Sobex, 60 (2:0).
16 aprel, shanba
“Bayer” — “Ayntraxt” 3:0 (0:0)
Gollar: Kevin Kampl, 70 (1:0). Yulian Brandt, 76 (2:0). Karim Bellarabi, 90 (3:0).
“Augsburg” — “Shtutgart” 1:0 (1:0)
Gol: Alfred Finnbogason, 36 (1:0).
“Xoffenxaym” — “Gerta” 2:1 (1:1)
Gollar: Niklas Shtark, 26 (0:1). Fabian Shyor, 33(1:1). Mark Ut, 85 (2:1).
“Darmshtadt” — “Ingolshtadt” 2:0 (0:0)
Gol: Konstantin Raush, 51 (1:0). Sandro Vagner, 85 (2:0).
“Verder” — “Volfsburg” 3:2 (1:1)
Gollar: Klaudio Pissaro, 32-pen (1:0). Jozua Gilyavogi, 36 (1:1). Fin Bartels, 64 (2:1). Zlatko Yunuzovich, 83 (3:1). Bas Dost, 87 (3:2).
“Bavariya” — “Shalke”
17 aprel, yakshanba
“Borussiya Dortmund” — “Gamburg”
“Maynts” — “Kyoln”
Batafsil | Подробно | Read more... Daryo