Oliy liga, 5-tur. “Olmaliq”ni mag‘lub etgan “Bunyodkor” 2-o‘ringa ko‘tarildi

Futbol bo‘yicha O‘zbekiston Oliy Ligasida 5-turning 16-aprel sanasidan joy olgan o‘yinlari to‘liq yakunlandi.

Foto: “Bunyodkor” FK matbuot xizmati

Kunning so‘nggi o‘yinida “Bunyodkor” “Olmaliq”ni mag‘lub etishga muvaffaq bo‘ldi. Qayd etish kerak, Toshkent klubi avvalgi 4 turda o‘z darvozasidan gol o‘tkazib yubormagandi. Darvozabon Murod Zuxurov bu safar ikkita gol qo‘yib yubordi.
Birorta ham gol o‘tkazmagan yagona jamoa bo‘lib turgan “Buxoro” erataga, 17-aprel kuni o‘z maydonida “Andijon”ni qabul qiladi.
5-turdan keyin Sergey Lushchan jamoasining ochkolari 13 taga yetdi. “Lokomotiv” va “Nasaf” hisobida ham shunchadan ochko bor. To‘plar nisbatiga ko‘ra “Bunyodkor” Qarshi klubidan oldinda, hamshahridan keyingi pog‘onada joylashgan.
O‘zbekiston Oliy Ligasi
5-tur bellashuvi
16-aprel, shanba
“Bunyodkor” — “Olmaliq” 4:2 (3:1)
Gollar: Eldor Shomurodov, 13 (1:0). Farhod Tojiyev, 30-pen (1:1). Bahodir Nasimov, 34 (2:1). Bahodir Nasimov, 45 (3:1). Doniyor Ismoilov, 56 (3:2). Doston Hamdamov, 58 (4:2).
17-aprel, yakshanba
“Buxoro” — “Andijon”


Oliy liga. “So‘g‘diyona” Farg‘onada zafar quchdi, “Navbahor” birinchi g‘alabasiga erishdi



Batafsil | Подробно | Read more... Daryo