A seriya, 33-tur. Chempionlik uchun da’vogar “Napoli” “Inter”dan mag‘lubiyatga uchradi

Futbol bo‘yicha Italiya A seriyasining 33-turida mamlakat chempionligi uchun kurash olib borayotgan Neapolning “Napoli” klubi Milanda “Inter”dan mag‘lubiyat qabul qilib oldi.

Foto: Getty Images

Mezbonlarning birinchi bo‘limda kiritgan ikki goliga “Napoli” futbolchilari javob bera olmadi. 17-aprel kuni “Yuventus” 3 ochkoni qo‘lga kiritsa, peshqadamlar orasidagi farq 9 taga qadar yetadi.
Mazkur g‘alabadan keyin “Inter” 61 ochko bilan 4-o‘rinni egallab turibdi. “Roma” 64, “Fiorentina” 56 ochko jamg‘argan.
Liga debyutanti “Karpi” esa xavfli zonadan chiqib oldi. “Jenoa”ga qarshi o‘yindagi yirik g‘alabada Armando Itssoning maydondan chetlatilishi muhim rol o‘ynadi. Unga qadar hisobda oldinda borayotgan mehmonlar, bir kishi qolgandan keyin 4 ta gol o‘tkazib yubordi.
“Karpi” ochkolari sonini 31 ta yetkazib, 28 ochkosi bor “Palermo”ni xavfli zonaga kiritib yubordi. Mazkur turda “Palermo” Turinda “Yuventus” mehmoni bo‘lishi inobatga olinsa, 33-tur yakuniga ko‘ra ahvolini yaxshilay olmasligi ham mumkin.
Italiya A seriyasi
33-tur bellashuvlari
16-aprel, shanba
“Bolonya” — “Torino” 0:1
Gol: Andrea Belotti, 90+2-pen (0:1).
“Karpi” — “Jenoa” 4:1
Gollar: Leonardo Pavoletti, 34 (0:1). Antonio Di Gaudio, 45+4 (1:1). Lorenso Lollo, 45+5 (2:1). Lorenso Pashiuti, 49 (3:1). Stefano Sabelli, 86 (4:1).
Chetlatish: Armando Itsso, 45+1 (J).
“Inter” — “Napoli” 2:0
Gollar: Mauro Ikardi, 4 (1:0). Marselo Brozovich, 44 (2:0).
“Inter”: Samir Xandanovich, Danilo D’Ambrozio, Yuto Nagatomo, Joao Miranda, Jeyson Murilyo, Gari Medel, Marselo Brozovich, Joffrey Kondogbia (Jonatan Biabiani, 68), Ivan Perishich, Mauro Ikardi (Rodrigo Palasio, 880, Stevan Yovetich (Felipe Melo, 77).
“Napoli”: Pepe Reyna, Elseid Xyusay, Ivan Strinich (Fauzi Gulam, 50), Raul Albiol, Kalidu Kulibali, Jorjinyo (Omar El-Kadduri, 73), Markes Allan, Marek Hamshik, Xose Kalyexon, Manolo Gabbyadini, Lorenso Insinye (Dris Mertens, 51).
17-aprel, yakshanba
“Atalanta” — “Roma”
“Udineze” — “Kyevo”
“Fiorentina” — “Sassuolo”
“Verona” — “Frozinone”
“Yuventus” — “Palermo”
“Latsio” — “Empoli”
“Sampdoriya” — “Milan”
Batafsil | Подробно | Read more... Daryo