Abdullo Tangriyev dzyudo bo‘yicha Osiyo chempionatining kumush medaliga sazovor bo‘ldi

Toshkentdagi “O‘zbekiston” sport majmuasida davom etayotgan dzyudo bo‘yicha Osiyo chempionatining ikkinchi kuni doirasida O‘zbekiston terma jamoasi a’zosi Abdullo Tangriyev kumush medalga sazovor bo‘ldi, deb xabar beradi “Sports.uz”.

Foto: “Judoinside.com”

16-aprel, shanba kuni +100 kilogramm vazn toifasida tatamiga chiqqan Abdullo Tangriyev dastlab qozog‘istonlik dzyudochini mag‘lubiyatga uchratdi. Yarim finalda esa o‘zbekistonlik dzyudochi qirg‘izistonlik Yuriy Krakovetskini dog‘da qoldirib, final yo‘llanmasini qo‘lga kiritdi. Hal qiluvchi bahs yaponiyalik Kokoro Kageuraga qarshi o‘tdi. Murosasiz kechgan bellashuv Abdulloning mag‘lubiyati bilan yakunlandi va u O‘zbekiston termasi hisobiga yana bir kumush medalni olib keldi.
Avvalroq o‘zbekistonlik dzyudochilardan Diyorbek O‘rozov ( -60 kg ) va Soyib Qurbonov ( -100 kg ) kumush, Mirali Sharipov ( -73 kg ) hamda Ramziddin Saidov ( -100 kg ) esa bronza medaliga sazovor bo‘lgandi.
Batafsil | Подробно | Read more... Daryo