O‘zbekistonlik taekvondochi Nikita Rafalovich Maniladagi turnirning oltin medalini qo‘lga kiritdi

O‘zbekistonlik taekvondochi Nikita Rafalovich Filippin poytaxti Manila shahrida taekvondoning WTF yo‘nalishi bo‘yicha XXXI yozgi Olimpiada o‘yinlarining yo‘llanmasi uchun o‘tkazilayotgan Osiyo saralash turnirida oltin medalni qo‘lga kiritdi, deb xabar beradi “Sports.uz”.

Foto: “Sports.uz”

-80 kilogramm vazn toifasida dayanga chiqqan Nikita dastlab hindistonlik, keyin esa iordaniyalik raqiblarini taslim etdi. Final bellashuvida esa o‘zbekistonlik taekvondochi Xitoy Taypeyi vakili Vei-Ten Liuni 1:0 hisobida mag‘lubiyatga uchratib, oltin medalni qo‘lga kiritdi.
Avvalroq Nikita Rafalovich Rio–2016 Olimpiada o‘yinlariga yo‘llanmani qo‘lga kiritgani haqida xabar berilgandi .
Bugun, 17-aprel kuni qizlar o‘rtasida -67 kilogramm vazn tiofasida O‘zbekiston vakili Nigora Tursunqulova Olimpiada yo‘llanmasi uchun dayanga chiqadi.
Batafsil | Подробно | Read more... Daryo