Shahriyor reper uni “Kamolot” YoIH kashf etgani haqidagi gap-so‘zlarni rad etdi

Ma’lum vaqt davom etgan ijodiy tanaffusdan so‘ng yana shou-biznesga qaytgan Shahriyor reper “Bekajon” gazetasiga intervyu berdi. Xonanda intervyu davomida uni “Kamolot” yoshlar ijtimoiy harakati kashf etgani haqidagi gap-so‘zlarni rad etdi.

Foto: “Shou-biznes.uz”

— Ko‘pchilik Sizni “Kamolot” YoIH kashf etgan, deydi. Shu gap rostmi?
— Yo‘q. Har doim bu tashkilotning tadbirlarida qatnashib yurardim. Lekin meni yuzaga chiqargan — “Sevimli ijrochi” loyihasidir. 2002-yildan Samarqand “Yoshlar markazi” qoshidagi shu loyihada qatnasha boshlaganman. Ijodimdagi ilk qadamlarimni o‘sha yerda qo‘yganman.
Xonandaning ma’lum qilishicha, 2005-yili Samarqandda bo‘lib o‘tgan “Rep festivali”dan so‘ng, “Tarona” kompaniyasi bilan shartnoma imzolagan. Keyinchalik, shartnoma muddati yakuniga yetganidan so‘ng, “Tarona”dan ketib, hozirda mustaqil ijod qilishga kirishgan.

Batafsil | Подробно | Read more... Daryo