Pokistonda garovdagi 22 politsiyachini ozod qilish bo‘yicha operatsiya o‘tkazilmoqda

Pokistonning Panjob provinsiyasi Rajanpur aholi punktida xavfsizlik kuchlari bo‘linmalari 22 nafar politsiyachini ozod etish bo‘yicha maxsus operatsiyani boshladi, deb yozadi “TASS”. Ularni “Chottu” laqabli jinoyat sohasida e’tibor qozongan G‘ulom Rasulning ekstremistik guruhi garovda saqlamoqda.

Foto: AP

Banditlar olti politsiyachining hayotiga zomin bo‘lishga ulgurdi, ular, agar mamlakat hukumati ularning talablarini bajarmasa, garovdagilarning qolganini ham o‘ldirish bilan tahdid etmoqda. Ammo islom respublikasi hukumati muzokaralarga kirishishdan bosh tortdi.
Rajanpurga armiya maxsus bo‘linmalari, shuningdek, bir nechta hujumchi vertolyotlar yetib keldi. Avvalroq jinoyatchilarga ultimatum e’lon qilingan, agar ular 17-aprel, yakshanba kuni oxirigacha hukumatga taslim bo‘lmasa, maxsus bo‘linmalar hujum boshlashi haqida ogohlantirilgan edi.
Garovdagi politsiyachilarni ozod etish bo‘yicha operatsiyada huquq-tartibot organlari xodimlari va IIV qo‘shinlari harbiy xizmatchilaridan 1,6 mingdan ziyod kishi qatnashmoqda.
Batafsil | Подробно | Read more... Daryo