Brent nefti narxi barreliga 43 dollardan oshdi

Iyunda yetkazib beriladigan Brent markasidagi neft narxi Londonning ICE birjasida 18-aprel kungi savdolar chog‘ida 0,32 foizga — barreliga 43,24 dollargacha ko‘tarildi, deb yozadi “Vedomosti”.

Foto: “Kapital-rus.ru”

Neft kotirovkalari o‘sayotgan bir paytda Moskva birjasida dollar rublga nisbatan 0,47 foizga pasayib, 66,15 rublga teng bo‘ldi, yevro esa 0,13 foizga arzonlashib, 74,85 rublgacha tushdi.
Shu bilan birga, kun davomida neft kotirovkalari pastladi va barreliga 41 dollar darajasiga yetdi, bu 17-aprel kuni Dohada neft eksportchilarining uchrashuvi yakunlari ta’sirida bo‘ldi. Uchrashuvga 18 mamlakatdan delegatsiyalar tashrif buyurdi, muzokaralarning 19-ishtirokchisi — Eron uchrashuv arafasida neft qazib chiqarishni muzlatib qo‘yishni muhokama qilishdan bosh tortdi va buni mamlakatdan yaqinda olib tashlangan sanksiyalar bilan izohladi.
Batafsil | Подробно | Read more... Daryo