Bloomberg: Rossiya xalqaro bozorlarda qimmatli qog‘ozlar joylashtirish rejasini kechiktiradi

Rossiya bu yilga rejalashtirilgan xalqaro bozorlarda yevrobondlar joylashtirishni kechiktiradi. AQSh va Yevroittifoq tomonidan sanksiyalar davom ettirilishi, shuningdek, yirik banklarga yevrobondlarni joylashtirmaslik bo‘yicha tavsiya berilgani ushbu qarorga kelishga sabab bo‘lgan. Bu haqda Bloomberg manbalariga tayanib, “RBK” xabar bermoqda .

Foto: “Vesti”

Rossiya moliya vazirligi Barclays, BNP Paribas, Bank of America Merrill Lynch, Goldman Sachs, JP Morgan kabi 25 ta yirik bankka 2016-yili 3 milliard dollar hajmidagi yevrobondlarni joylashtirishni tashkillash yuzasidan takliflar jo‘natgandi. Biroq, The Wall Street Journal va Financial Times nashrlariga ko‘ra, AQSh va Yevroittifoq rasmiylari mazkur banklarga bundan tiyilishni maslahat bergan .
Ma’lumot uchun, Rossiya oxirgi bor xalqaro bozorlarda 2013-yil sentabrida 6 milliard dollar hajmidagi qimmatli qog‘ozlarni joylashtirgandi.
Batafsil | Подробно | Read more... Daryo