Islom Karimov Ekvadordagi zilzila munosabati bilan Rafael Korreaga ta’ziya bildirdi

O‘zbekiston Prezidenti Islom Karimov Ekvador prezidenti Rafael Korreaga ta’ziya bildirdi, deya xabar bermoqda O‘zbekiston Tashqi ishlar vazirligi matbuot xizmati.

Foto: The Guardian

“Islom Karimov Ekvadorning shimoli-g‘arbiy sohilidagi talofatli zilzila natijasida ko‘p sonli insonlarning halok bo‘lishi va vayrongarchilikka olib kelishi munosabati bilan prezident Rafael Korreaga samimiy ta’ziya bildirdi”, — deyiladi vazirlik axborotida.
Qayd etishlaricha, O‘zbekiston Prezidenti halok bo‘lganlarning oila a’zolari va yaqinlariga, shuningdek, jabrlanganlarga hamdardlik bildirdi.
Ma’lumot uchun, Ekvadorda mahalliy vaqt bilan 16-aprel kuni 7,8 magnitudali zilzila yuz berdi. So‘nggi ma’lumotlarga ko‘ra, tabiiy ofat natijasida 413 kishi halok bo‘lgan .
Batafsil | Подробно | Read more... Daryo