APL. 27-turning qoldirilgan o‘yinida “Manchester Siti” “Nyukasl” bilan durang o‘ynadi

Angliya Premyer-ligasi 27-turining qoldirilgan o‘yinida “Manchester Siti” jamoasi safarda “Nyukasl” mehmoni bo‘ldi. “Sent-Jeyms Park” stadionida o‘tkazilgan o‘yinda 1:1 hisobi qayd etildi, deb xabar bermoqda “Sports.ru”.

Foto: Mirror

Uchrashuvning 14-daqiqasida Serxio Aguero “shaharliklar”ni oldinga olib chiqqan bo‘lsa, 31-daqiqada Vurnon Anita hisobni tenglashtirdi. Shundan so‘ng hisob o‘zgarmadi va tomonlar 1:1 hisobidagi durangga imzo chekdi.
Mazkur uchrashuvdan so‘ng “Manchester Siti” ochkolari sonini 61 taga yetkazib, uchinchi o‘rinda qoldi. “Nyukasl”ning ochkolari soni 29 taga yetdi va jamoa 19-o‘rindan siljimadi.
Angliya Premyer-ligasi, 27-tur
“Nyukasl” – “Manchester Siti” 1:1 (1:1)
Gollar: 0:1 – 14 Aguero, 1:1 – 31 Anita.
“Nyukasl” – Darlou, Anita, Mbemba, Lassels, Dammett, Tiote, Kolbek, Taunsend (Veynaldum, 81), Sissoko, Peres (Aarons, 90), Sisse (Mitrovich, 55).
“Manchester Siti” – Xart, Sabaleta, Kompani, Mangalya, Kolarov, Ture (Fernandinyo, 73), Fernando, Navas (Boni, 84), de Bryuyne, Delf (Sterling, 68), Aguero.
Ogohlantirishlar: Anita (43), Peres (56), Kompani (67), Mangalya (89), Sissoko (90).
Batafsil | Подробно | Read more... Daryo