UzMobile katta binolarda aloqa sifatini yaxshilashga qaratilgan rejasini amalga oshirishni boshladi

Zamonaviy texnologiyalaridan foydalangan holda, UzMobile katta binolarda aloqa sifatini yaxshilashga qaratilgan rejasini amalga oshirishni boshladi. Bu haqda kompaniya matbuot xizmati xabar bermoqda .

Foto: UzDaily

Ko‘rsatilayotgan xizmatlar sifatini yaxshilash maqsadida, operator tomonidan katta maydonga ega bo‘lgan (sotuv markazlari, ko‘rgazma markazlari, biznes markazlari, ofis binolari va hokazo) binolarda radiouzatishni qismli taqsimlovchi baza stansiyalari uskunalari (Lamp Site) o‘rnatilmoqda.
Mazkur innovatsion yechim kichik antennali radiobloklardan tashkil topgan bo‘lib, uning kichik hajmi shift va devorga o‘rnatishga imkon yaratadi. Ularni chiroq yoki datchikka o‘rnatish ham mumkin. Lamp Site – bu mavjud baza stansiyalari kontrolleriga ulangan baza stansiyasi bo‘lib, qamrov tarmoqlarini bino ichida makro darajali tarmoqlar bilan yuqori sinergiyasini ta’minlaydi. Shuni ta’kidlab o‘tish kerakki, rejalashtirilgan natijalarga erishish uchun “O‘zbektelekom” AK “TShTT” filiali tomonidan taqdim etilayotgan “So‘nggi mil” ishonchli yechimi orqali, ichki qamrov yechimi UzMobile tomonidan amalga oshiriladi.
“Samarqand Darvoza” ko‘ngilochar savdo markazida bunday uskunalar o‘rnatib bo‘lindi, endi abonentlar uzluksiz tarmoqda bo‘lish, qo‘ng‘iroqlarni amalga oshirish va UzMobile tarmog‘i qamrovida sifatli aloqada bo‘lish imkoniyatiga ega.
Batafsil | Подробно | Read more... Daryo