Gaaga sudi “YuKOS” aksiyadorlariga 50 mlrd dollar to‘lash haqidagi qarorni bekor qildi

Gaaga sudi, Rossiyaga “YuKOS”ning sobiq aksiyadorlariga 50 milliard dollar to‘lash majburiyatini yuklagan Gaaga arbitraji bu uchun zarur vakolatga ega bo‘lmaganini tan oldi, deb yozadi “RIA Novosti”.

Foto: “RIA Novosti”

Ekspertlar fikricha, hozirgi qaror turli yurisdiksiya sudlariga arbitraj qarorini ijro etishdan bosh tortish imkonini beradi.
Avvalroq Rossiya Gaaga sudiga Moskvadan tovon puliga erishmoqchi bo‘lgan da’vogarlar soniga mos ravishda uchta ariza topshirgan edi. Ushbu da’vogarlar Kiprning Hulley Enterprises Limited ofshori, Kiprda ro‘yxatdan o‘tgan yana bir kompaniya — Veteran Petroleum va Men orolidagi Yukos Universal Limited ofshoridir. Ularning barchasi Group Menatep Limited’ga aloqador bo‘lib, birgalikda “YuKOS”ning 70,5 foizga yaqin ulushini nazorat qilgan.
2014-yil iyulida Gaagadagi arbitraj sudi Rossiyadan YuKOS aksiyadorlariga 50 milliard dollar tovon to‘lashni talab qilgan, biroq Rossiya rasmiylari bundan bosh tortgandi.
2006-yilda Moskva hakamlar sudi soliq organi arizasi bilan “YuKOS”ni bankrot deb e’lon qilgan, uning asosiy aktivlari “Rosneft”ga o‘tgan edi. “YuKOS” sobiq aksiyadorlari Gaaga sudiga murojaat qilib, kompaniya majburan tortib olingani uchun tovon puli talab qilgan.
Batafsil | Подробно | Read more... Daryo