O‘zbekiston futzal termasi xalqaro o‘rtoqlik turnirida ishtirok etish uchun Yaponiyaga uchib ketdi

Futzal bo‘yicha O‘zbekiston terma jamoasi joriy yilning 10-sentabridan 1-oktabriga qadar Kolumbiyada bo‘lib o‘tadigan Jahon chempionatiga tayyorgarlikning dastlabki bosqichini davom ettirmoqda, deb xabar beradi  O‘zbekiston futbol federatsiyasi matbuot xizmati.

Foto: O‘FF matbuot xizmati

Xose Mariya Mendez shogirdlari xalqaro o‘rtoqlik turnirida ishtirok etish uchun bugun, 20-aprel kuni soat 10:00 da Toshkent–Bangkok–Nagoya yo‘nalishida Yaponiyaga uchib ketdi.
Terma jamoaning safari oldidan kecha, 19-aprel kuni so‘nggi mashg‘ulot o‘tkazildi. “Bunyodkor” jamoasining sport zalida o‘tkazilgan mashg‘ulotda barcha futzalchilar ishtirok etdi.
Mundial yo‘lidagi dastlabki yig‘inga chaqirilgan 20 nafar futzalchidan 14 nafari Yaponiyaga  olib ketildi .
Yaponiyadagi xalqaro o‘rtoqlik turniri 22–24-aprel kunlari bo‘lib o‘tadi. Unda mezbonlardan tashqari, O‘zbekiston hamda Vyetnam terma jamoalari ham ishtirok etadi.
Batafsil | Подробно | Read more... Daryo