Mitsubishi aksiyalari qiymati yoqilg‘i sarfi masalasida yo‘l qo‘yilgan xato tufayli keskin pasayib ketdi

20-aprel, chorshanba kuni bo‘lib o‘tgan savdolar chog‘ida Yaponiyanig Mitsubishi Motors avtomobil kompaniyasi aksiyalari 2004-yilning iyulidan beri rekord daraja — 15 foizga tushib ketdi. Bu haqda “Vedomosti” xabar bermoqda .

Foto: Bloomberg

Qimmatli qog‘ozlar qiymatining bunchalik keskin pasayishiga kompaniya kam litrajli mashinalar yoqilg‘i sarfini sinovdan o‘tkazish natijalari hisob-kitobida xatoga yo‘l qo‘ygani haqidagi xabar sabab bo‘lgan. Yaponiya transport vazirligi vakili Yosifumi Nagai shunday bayonot bergan. Mitsubishi Motors prezidenti Testuro Aikava mazkur holat yuzasidan matbuot anjumani tashkil etishi kutilmoqda.
Ma’lumot uchun, oldinroq Hyundai Motor, Kia Motors va Ford Motor ham avtomobil yoqilg‘i sarfi bo‘yicha noto‘g‘ri ma’lumotlar bilan bog‘liq mojarolar ishtirokchisiga aylangandi. AQSh Hyundai va Kia kompaniyalarini jarima to‘lashga majbur etgan, Ford esa 2013—2014-yillarda chiqarilgan bir qator gibrid modellari yoqilg‘i sarfi reytingini pasaytirgan.
Batafsil | Подробно | Read more... Daryo