O‘zbekistonda YeI ishtirokida ijtimoiy ko‘mak markazi tashkil etiladi

O‘zbekistonda Yevropa Ittifoqi tarafidan moliyalashtirilayotgan “Uyga, to‘laqonli hayotga qaytish” (Returning PATH: Promoting Access to Basic Human Rights for Vulnerable Women and Men) loyihasini amalga oshirish boshlandi. Bu haqda “Gazeta.uz” yozmoqda .

Foto: Facebook / European Union in Uzbekistan

Loyiha Toshkentda ijtimoiy ko‘mak markazi tashkil etib, u orqali aholining ijtimoiy himoyaga muhtoj qatlamlariga ruhiy va huquqiy yordam ko‘rsatish, shuningdek, ularning kasbiy tayyorgarlik ko‘rishiga ko‘mak berishni ko‘zda tutadi.
Ikki yildan ortiq davom etadigan loyihani Germaniya xalq universitetlari uyushmasi (DVV International) amalga oshirmoqda. U Toshkent shahri va viloyatida istiqomat qiladigan, jazoni o‘tash joylaridan ozod qilingan, giyohvand moddalarga ruju qo‘ygan, OIV va silga yo‘liqqan 1200 erkak va ayolni qamrab oladi.
“Intilish” Respublika axboriy-ma’rifiy markazi negizida tashkil etiladigan yangi muassasada sakkiz xodim ishlaydi, uning faoliyatida, shuningdek, turli tashkilotlarning 220 nafar xodimi ishtirok etadi.
Markazning asosiy vazifalari sirasiga ijtimoiy himoyaga muhtoj aholi qatlamlari vakillariga yo‘qotilgan ijtimoiy rishtalarni tiklashda, ishga joylashishda va jamiyatda o‘z o‘rnini qidirishga motivatsiya shakllantirishda ko‘maklashish kiradi.
Batafsil | Подробно | Read more... Daryo