A seriya. Franchesko Totti 3 daqiqada 2 ta gol urib “Roma”ni yana bir bor qutqarib qoldi

Futbol bo‘yicha Italiya A seriyasining 34-tur bellashuvlaridan bittasini hisobga olmaganda, qolgan barchasi o‘z nihoyasiga yetdi.

Foto: Sport.org

Turning eng qiziqarli bellashuvi Rimdagi “Olimpiko” stadionida o‘tib, “Roma” Turinning “Torino” klubi ustidan irodali g‘alabani qo‘lga kiritdi — 3:2. Rimliklarning eng qariya futbolchisi Franchesko Totti bellashuvning 86-daqiqasida maydonga tushib, dublga erishdi hamda “Roma”ni mag‘lubiyatdan qutqarib qoldi.
Bir tur avval Totti “Bolonya” maydonida “Roma”ga 1 ochko keltirgan golga mualliflik qilgan, o‘yindan keyin bosh murabbiy Luchanno Spaletti 78-daqiqada maydonga tushgan Totti 2 ta emas, 1 ta gol urganidan jahli chiqqanini hazir tariqasida aytib o‘tgandi. Oradan to‘rt kun o‘tib Franchesko o‘ziga berilgan 5 daqiqa vaqt davomida dublga erishdi.


A seriya. 6 ta gol farqi bilan g‘alaba qozongan “Napoli” eng ko‘p gol urgan jamoaga aylandi


Chempionlik sari odimlayotgan “Yuventus” esa Rimning boshqa bir klubi “Latsio”ni yirik hisobda taslim qildi. Bu “Latsio” ustozi Simione Indzagining birinchi mag‘lubiyati edi. “Yuventus” oldindagi 4 ta turdan faqatgina 1 tasini o‘z foydasiga hal qilsa, ketma-ket beshinchi bor mamlakat chempionligini qo‘lga kiritadi.
34-turdan keyin “Yuventus” 82, “Napoli” 73, “Roma” 68, “Inter” 61, “Fiorentina” 59 ochkoga ega.
Italiya A seriyasi
34-tur bellashuvi
20-aprel, chorshanba
“Sassuolo” — “Sampdoriya” 0:0
Noaniq penalti: Domeniko Berrardi, 89 (Sas).
Chetlatish: Andrea Ranokkya, 27 (Sam).
“Jenoa” — “Inter” 1:0
Gol: Sebastyan de Mayo, 77 (1:0).
“Kyevo” — “Frozinone” 5:1
Gollar: Daniel Chiofani, 5 (0:1). Floro Flores, 36 (1:1). Serjio Pellise, 47-pen (2:1). Nikola Rigoni, 58 (3:1). Jannero Sardo, 60 (4:1). Serjio Pellise, 80 (5:1).
“Palermo” — “Atalanta” 2:2
Gollar: Franki Vaskes, 2-pen (1:0). Marko Borrellyo, 11-pen (1:1). Gabriel Paletta, 55 (1:2). Alyaj Struna, 76 (2:2).
Chetlatish: Roberto Vitiyello, 90 (P).
“Roma” — “Torino” 3:2
Gollar: Andrea Belotti, 35-pen (0:1). Konstantinos Manolas, 66 (1:1). Xosef Martines, 80 (1:2). Franchesko Totti, 87 (2:2). Franchesko Totti, 89-pen (3:2).
“Udineze” — “Fiorentina” 2:1
Gollar: Duvan Sapata, 2 (1:0). Mauro Sarate, 24 (1:1). Siril Tero, 53 (2:1).
“Empoli” — “Verona” 1:0
Gol: Massimo Makkarone, 51 (1:0).
Chetlatish: Federio Viviani, 90 (V).
“Yuventus” — “Latsio” 3:0
Gollar: Mario Manjukich, 39 (1:0). Paulo Dibala, 52-pen (2:0). Paulo Dibala, 64 (3:0).
21-aprel, payshanba
“Milan” — “Karpi”
Batafsil | Подробно | Read more... Daryo