Qirg‘iziston prezidenti madaniyatsizlikka qarshi aksiyani qo‘llab-quvvatladi

Qirg‘iziston rahbari mamlakat poytaxtida maktab o‘qituvchisi tomonidan tashkil qilingan “Tupurmang!” aksiyasiga moliyaviy yordam ko‘rsatish uchun ijtimoiy himoya va ko‘mak bo‘yicha prezident jamg‘armasidan mablag‘ ajratdi, deb yozadi “RIA Novosti” mamlakat prezidenti matbuot xizmatiga tayanib.

Bishkek. Foto: “RIA Novosti”

Aprel boshida maktab o‘qituvchisi Kushtar Mamitaliyev o‘z mablag‘lari hisobidan Bishkekning jamoat joylariga “Tupurmang!” yozuvi tushirilgan bir necha mingta stikerni yopishtirib chiqdi. U, shuningdek, aksiyani qo‘llab-quvvatlashga chaqiruvchi videorolikni ijtimoiy tarmoqlarga joyladi, uni oxir-oqibat o‘ng minglab kishi repost qildi.
Almazbek Atambayev aksiyani qo‘llab-quvvatlash uchun prezident fondidan 50 ming som (taxminan 730 dollar) ajratdi. Prezident fikricha, “bunday fuqarolik tashabbuslari qirg‘izistonliklarning o‘z-o‘zini anglashidagi yangi sifatli o‘sishni ko‘rsatib beradi”.
Batafsil | Подробно | Read more... Daryo