Turkiyada jangarilar hujumi tufayli politsiyachi halok bo‘ldi, yana 3 kishi yaralandi

Kurdiston ishchilar partiyasi (KIP) jangarilari mamlakat sharqidagi Tunjeli provinsiyasida politsiyachilarga hujum qildi, deya xabar bermoqda “TASS” mahalliy televideniyega tayanib. Bir politsiyachi halok bo‘lgan, yana ikki nafari hamda bir fuqaro yaralangan.

Foto: report.az

Jangarilar Xavfsizlik boshqarmasi xodimlari yotoqxonasiga kirish darvozasi yonida navbatchilik qilayotgan politsiya zirhli transportiga qarata o‘t ochgan. O‘qlar granatomyot va avtomatlardan yog‘dirilgan. Soqchilar javob o‘tini ochib, politsiyaning maxsus topshiriqli bo‘linmalarini chaqirgan. Ularni ko‘rib, terrorchilar yashiringan. Hududda hujum qilganlarni topish va zararsizlantirish bo‘yicha operatsiya o‘tkazilmoqda.
Eron bilan chegaradosh Agri provinsiyasida 10-sentabrga o‘tar tunda KIP a’zolari Patnos uyezdidagi hukumat qarorgohini granatomyotlardan o‘qqa tutdi. Bino soqchilari nishonga olindi, biroq ularga zarar yetmadi.
Batafsil | Подробно | Read more... Daryo