GM Yaponiyadagi zilzilalardan so‘ng yetkazib berishdagi uzilishlardan xavfsirab, AQShda yig‘iladigan avtomobillar sonini qisqartiradi

Amerikaning General Motors korporatsiyasi Yaponiya janubi-g‘arbidagi Kyusyu orolida ketma-ket kuchli zilzilalar qayd etilgach, detallar yetkazib berish zanjirida uzilish bo‘lishidan xavfsirab, 25-apreldan AQSh va Kanadadagi to‘rtta liniyada yig‘iladigan avtomobillar sonini qisqartiradi. Bu haqda Yaponiyaning “Kiodo” agentligiga tayanib, “TASS” xabar berdi .

Foto: “Megasmi.net”

Kompaniya bayonotida aytilishicha, ishlab chiqarish grafigiga kiritilgan bu o‘zgartirishlar vaqtinchalik bo‘lib, General Motors’ning yillik ishlab chiqarish rejalariga ta’sir o‘tkazmaydi.
Ushbu choralar kompaniyaning Ogayo, Kanzas va Tennessi shtatlaridagi uchta yig‘ish liniyasida, shuningdek, Kanadadagi bitta korxonasida ko‘riladi. Ishlab chiqarishning qisqartirilishi ikki hafta davom etadi va Chevrolet Impala, Buick Regal va Cadillac XTS’ga aloqador bo‘ladi.
Batafsil | Подробно | Read more... Daryo