O‘zbekiston FVV: Eng rivojlangan davlatlar ham zilzilani 100 foiz oldindan aytib bera olmaydi

O‘zbekiston Respublikasi Favqulodda vaziyatlar vazirligining Fuqaro muhofazasi institutida mamlakat va xorijiy OAV vakillari uchun seminar-trening bo‘lib o‘tdi. Bu haqda “Darakchi.uz” xabar bermoqda .

Foto: IPA Photo

FVV BMTning Taraqqiyot dasturi ko‘magida tashkil etgan tadbirda Fanlar akademiyasi seysmologiya instituti, Davlat arxitektura va qurilish qo‘mitasi va boshqa ko‘plab idoralar mutaxassislari qatnashdi.
Favqulodda vaziyatlar vazirining birinchi o‘rinbosari Komiljon Oripov eng rivojlangan davlatlar ham yer silkinishini 100 foiz oldindan aytib bera olmasligini ta’kidladi. Shu bois, tabiiy tusdagi favqulodda vaziyatlarning oldini olish, ular ro‘y berganda tezkor harakat qilish va aholini tayyorlash tizimini takomillashtirish talab etiladi.
Tadbirda o‘zbekistonlik olim va mutaxassislar zilzila ta’sirida ayrim binolarning vayron bo‘lish sabablarini yumshatishga qaratilgan yangi loyihalashtirish va qurilish konsepsiyalari hamda texnik yechimlar ishlab chiqayotganligi bildirildi.
Seminar-trening doirasida favqulodda vaziyatlarda tezkor harakat qilish shayligi namoyish qilindi, zilzilani simulyatsiya qilish markaziga ekskursiya uyushtirildi, qutqaruvchilar anjomlari va maxsus texnikalar ko‘rgazmasi tashkil etildi.
Batafsil | Подробно | Read more... Daryo