AQShda o‘tkazilayotgan JChda o‘zbekistonlik kurashchi Rustam Assakalov kumush medal sohibi bo‘ldi

AQShning Las-Vegas shahrida o‘tkazilayotgan jahon chempionatida 9-sentabr, chorshanba kuni yunon-rum kurashi bo‘yicha -85 kilogramm, ayollar kurashi bo‘yicha esa -48, -53, -69 kilogramm vazn toifalarida g‘olib va sovrindorlar nomi ma’lum bo‘ldi. Bu haqda O‘zbekiston Milliy olimpiya qo‘mitasi matbuot xizmati xabar bermoqda.

Foto: anons.uz

Yunon-rum kurashi bo‘yicha bo‘lib o‘tgan musobaqada o‘zbekistonlik Rustam Assakalov kumush medal hamda sportning ushbu turida 2016-yili Rio-de-Janeyro shahrida (Braziliya) o‘tkaziladigan XXXI yozgi Olimpiada o‘yinlarining dastlabki yo‘llanmasini qo‘lga kiritdi.
Rustam Assakalov avvaliga amaldagi jahon chempioni fransiyalik Melonin Numonvini mag‘lubiyatga uchratdi. Keyin avstriyalik Amer Xrustanovichdan ustun keldi. Chorak finalda eronlik polvon Xabibulloh Ahlagini, yarim finalda esa finlandiyalik Rami Xiyetaniyemini yengdi. Hal qiluvchi final uchrashuvida ukrainalik Jan Belenyukka imkoniyatni boy berib, kumush medal bilan taqdirlandi.
Batafsil | Подробно | Read more... Daryo