Peskov Obamaning Putin NATO va Yevroittifoqni tahdid deb bilishi haqidagi bayonotiga izoh berdi

NATO Rossiyaga tahdid deb qaraydi, ammo Rossiya barcha mamlakatlar va birlashmalar bilan yaxshi munosabatlarni shakllantirish niyatida. Bu haqda Rossiya prezidenti matbuot kotibi Dmitriy Peskov jurnalistlarga ma’lum qildi, deb yozadi “TASS”.

Foto: “TASS”

“Kim kimga xavf solishiga kelsak, bu yerda so‘nggi bir necha yillar davomida NATOning Bryusseldagi bosh qarorgohidan ham, uning rahbariyati a’zolari tomonidan ham yangrab kelayotgan, ular aynan Rossiyani tahdid deb hisoblashi haqidagi bayonotlarni unutmaslik kerak, menimcha”, — deya ta’kidladi u.
Peskov eslatishicha, Putin ko‘p bora Rossiyaning butun dunyo mamlakatlari bilan o‘zaro manfaatli, do‘stona va konstruktiv aloqalar qurish istagini qayd etgan.
Shu tariqa, matbuot kotibi AQSh prezidenti Barak Obamaning Putin NATO va Yevroittifoqni “Rossiya hukumati uchun tahdid” deb bilishi haqidagi gaplariga izoh berdi.
Batafsil | Подробно | Read more... Daryo