O‘zbekiston haqida o‘ziga xos yo‘lko‘rsatkich kitob yaratildi

Marakanda Expedition kompaniyasi “O‘zbekturizm” Milliy kompaniyasi va O‘zbekiston xususiy sayyohlik tashkilotlari assotsiatsiyasi ko‘magida Rossiya va MDHdan kelgan sayyohlar uchun rus tilida yo‘lko‘rsatkich kitobni ishlab chiqdi, deb yozadi UzDaily.

Foto: “Agw.ru”

140 sahifali kitobda alohida bo‘limlar orqali sayohatni rejalashtirish, mamlakat va odamlar, O‘zbekiston bo‘yicha yo‘nalishlar haqida ma’lumot berilgan. Unda jami 38 ta yo‘nalish va O‘zbekiston shaharlarining 17 ta xaritasini topish mumkin.
“Akademik yo‘nalishlar” deb nomlangan maxsus bo‘lim Iskandar Zulqarnayn yo‘llari bo‘ylab sayohat, qadimiy Xorazmga safar, Markaziy Osiyoning buddaviylik merosi va me’morchiligi bilan tanishuvni o‘z ichiga oladi.
Yo‘lko‘rsatkichga O‘zbekiston xaritalari va Toshkentning batafsil xaritasi ilova qilinadi.
Batafsil | Подробно | Read more... Daryo