Olimpiadaga 100 kun qoldi: O‘zbekiston Markaziy Osiyo davlatlari orasida qo‘lga kiritilgan yo‘llanmalar soni bo‘yicha hozircha 2-o‘rinda bormoqda

Joriy yilning 5–21-avgust kunlari Braziliyaning Rio-de–Janeyro shahrida to‘rt yillikning eng nufuzli turniri bo‘lib o‘tadi. Ushbu musobaqaning boshlanishiga bugun, 27-aprel sanasida roppa-rosa 100 kun qoldi. 2016-yilning 26-aprel holatiga ko‘ra, o‘zbekistonlik sportchilar tomonidan Olimpiada o‘yinlariga 10 ta sport turidan jami 46 ta yo‘llanma qo‘lga kiritildi. “Daryo” nashri O‘zbekiston Rio–2016 Olimpiada o‘yinlariga qo‘lga kiritilgan yo‘llanmalar soni bo‘yicha Markaziy Osiyo davlatlari o‘rtasida nechanchi o‘rinda borayotganini aniqladi.

Foto: “Rio2016.com”

Mazkaziy Osiyo davlatlari orasida Rio–2016 o‘yinlariga eng ko‘p yo‘llanmalarni Qozog‘iston qo‘lga kiritgan. Qozog‘iston Milliy olimpiya qo‘mitasi matbuot xizmatining ma’lum qilishicha , 26-aprel holatiga ko‘ra, qozog‘istonlik sportchilar tomonidan Olimpiada o‘yinlariga 22 sport turidan 81 ta yo‘llanma qo‘lga kiritilgan.
Shuningdek, Wikipedia’dagi ma’lumotlar bo‘yicha 26-aprel holatiga ko‘ra, Qirg‘iziston Rio–2016 Olimpiadasiga 3 ta sport turi bo‘yicha 9 ta , Tojikiston 1 ta sport turida 1 ta yo‘llanma olgan. Turkmaniston va Afg‘oniston vakillari Rio–2016 Olimpiadasiga yo‘llanmani qo‘lga kiritmagan.
Quyida XXXI yozgi Olimpiada o‘yinlariga yo‘llanma olgan o‘zbekistonlik sportchilar ro‘yxati keltirilgan.
Boks – 11 ta

Hasanboy Do‘smatov (-49 kg)
Shahobiddin Zoirov (-52 kg)
Murodjon Axmadaliyev (-56 kg)
Xurshid Tojiboyev (-60 kg) / Elnur Abduraimov (-60 kg)*
Fazliddin G‘oipnazarov (-64 kg)
Shaxram Giyasov (-69 kg)
Bektemir Meliqo‘ziyev (-75 kg)
Elshod Rasulov (-81 kg)
Rustam To‘laganov (-91 kg)
Bahodir Jalolov (+91 kg)
Yodgoroy Mirzayeva (-51 kg)

*Qoidaga ko‘ra, Olimpiada o‘yinlarida har bir vazn toifasida bir davlatdan faqatgina bir nafar sportchi ishtirok etishi mumkin. Shuning uchun, Rio–2016 Olimpiadasida qaysi sportchi ishtirok etishi o‘yinlar arafasida O‘zbekiston boks federatsiyasi tomonidan e’lon qilinadi.
Gimnastika – 4 ta
Sport gimnastikasi

Oksana Chusovitina
Anton Fokin

Trampolin

Yekaterina Xilko

Badiiy gimnastika

Anastasiya Serdyukova – yakkalik
Samira Amirova, Valeriya Davidova, Luiza Ganiyeva, Zarina Qurbonova, Marta Rastoburova – jamoaviy

Yengil atletika – 8 ta

Sitora Hamidova – marafon (42 195 m)
Sitora Hamidova – marafon (10 000 m)
Svetlana Radzivil – balandlikka sakrash
Suxrob Xo‘jayev – bosqon uloqtirish
Marina Xmelevskaya – marafon (42 195 m)
Bobur Shokirjonov – nayza uloqtirish
Yekaterina Voronina – yettikurash
Andrey Petrov – marafon (42 195 m)

Sport kurashlari – 6 ta
Yunon-rum kurashi

Yelmurat Tasmuradov (-59 kg)
Rustam Assakalov (-85 kg)
Dilshod Turdiyev (- 75 kg)
Mo‘minjon Abdullayev (-130 kg)

Erkin kurash

Ixtiyor Navro‘zov (-65 kg)
Magomed Ibragimov (-97 kg)

Baydarka va kanoeda eshkak eshish – 4 ta

Aleksey Machalov – 1000 m yakkalik (baydarka)
Gerasim Kochnev – 1000 m yakkalik (kanoe)
Olga Umaraliyeva – 200 m yakkalik (baydarka)
Vadim Menkov/Serik Mirbekov – 1000 m juftlik (kanoe)

Og‘ir atletika – 5 ta
Og‘ir atletika sport turida yo‘llanmalar jamoalarga beriladi. Olimpiada o‘yinlarida ishtirok etadigan sportchilar O‘zbekiston og‘ir atletika federatsiyasi tomonidan musobaqalar arafasida e’lon qilinadi. Sportchilar ro‘yxati 20-iyunga qadar taqdim etilishi kerak.
Taekvondo (WTF) – 3 ta

Dmitriy Shokin (+80 kg) / Jasur Boyqo‘ziyev (+80 kg)**
Nikita Rafalovich (-80 kg)
Nigora Tursunqulova (-67 kg)

**2015-yil yakunlariga ko‘ra, olimpiya reytingining eng og‘ir vazndagi sportchilari jadvalida bir yo‘la ikki nafar o‘zbekistonlik sportchi Dmitriy Shokin va Jasur Boyqo‘ziyev kuchli oltilikdan o‘rin egalladi. Qoidaga ko‘ra, Olimpiada o‘yinlarida har bir vazn toifasida bir davlatdan faqatgina bir nafar sportchi ishtirok etishi mumkin. Shu bois, Rio—2016 Olimpiada o‘yinlarida qaysi sportchi ishtirok etishi o‘yinlar arafasida O‘zbekiston Taekvondo (WTF) milliy assotsiatsiyasi tomonidan e’lon qilinadi.
Suzish – 2 ta

Ra’noxon Amanova – 200 metr kompleks
Ra’noxon Amanova – 400 metr kompleks

Stol tennisi – 1 ta

Zohid Kenjayev

Akademik eshkak eshish – 1 ta

Shahboz Xolmirzayev

Qayd etish joiz, qo‘lga kiritilgan 46 ta Olimpiada yo‘llanmalari bo‘yicha 49 nafar o‘zbekistonlik sportchi Rio—2016 Olimpiadasida ishtirok etadi. Sitora Hamidova (yengil atletika) va Ra’noxon Amanova (suzish) ikkitadan yo‘llanmaga ega. Baydarka va kanoeda eshkak eshish hamda Badiiy gimnastika sport turlarida o‘zbekistonlik sportchilar jamoaviy bahslarda qatnashadi.
Ma’lumot o‘rnida, 26-aprel holatiga ko‘ra, 7—18-sentabrda o‘tkaziladigan XV yozgi Paralimpiya o‘yinlariga o‘zbekistonlik sportchilar tomonidan quyidagi sport turlari bo‘yicha 25 ta yo‘llanma qo‘lga kiritilgan.
Yengil atletika – 10 ta
Dzyudo – 8 ta
Suzish – 5 ta
O‘q otish – 1 ta
Pauerlifting – 1 ta
Batafsil | Подробно | Read more... Daryo