Buxoroda Janubiy koreyalik oftalmolog-shifokorlar aholini tibbiy tekshiruvdan o‘tkazmoqda

Buxoro viloyati ko‘p tarmoqli tibbiyot markazida Koreya Respublikasining Vision Care xalqaro tashkiloti oftalmolog-shifokorlari aholini tibbiy tekshiruvdan o‘tkazmoqda. Bu haqda O‘zA xabar berdi . 

Foto: “Аnhor.uz”

O‘tgan yili ham mazkur shifoxonada Janubiy koreyalik shifokorlar Buxoro va Navoiy viloyatlari aholisini tibbiy ko‘rikdan o‘tkazgan, 93 nafar bemordagi katarakta bartaraf qilinib, ko‘z gavhari sun’iysiga almashtirilgandi.  Bu yilgi aksiyada ham aholi Janubiy koreyalik malakali shifokorlar ko‘rigidan o‘tkazilib, jarrohlik amaliyoti zarur bemorlar operatsiya qilinmoqda.
“Viloyat ko‘p tarmoqli tibbiyot markazining moddiy-texnik bazasi jahon andozalariga javob beradi. Bu yerda murakkab operatsiyalarni amalga oshirish uchun barcha sharoit mavjud”, – deydi delegatsiya a’zosi Li Sen Je. 
Batafsil | Подробно | Read more... Daryo