IShIDning 200 nafar saralangan jangarisi Iroq qurolli kuchlari tomonidan yo‘q qilindi

IShID terrorchi guruhi saralangan otryadining 200 nafar jangarisi Iroq qurolli kuchlari tomonidan Naynava viloyatidagi Mixana aholi yashash punkti yaqinida o‘tkazilgan operatsiya paytida yo‘q qilindi. Bu haqda, harbiy operatsiya shtabi bayonotiga tayanib, “TASS” xabar bermoqda .

Foto: Al Jazeera

Yo‘q qilingan jangarilarning kamida yuz nafari IShIDning maxsus maqsadli otryadlari sirasiga kirishi, bu bo‘linma egallab olingan hududlardagi tinch aholi vakillariga nisbatan o‘ta qattiqqo‘ligi bilan ajralib turishi ma’lum qilindi.
Operatsiya 27-aprel, chorshanba kuni havo hujumlari va artilleriya zarbalaridan boshlanib, yer usti jangovar harakatlari bilan davom ettirildi. Jonli kuchdan tashqari, to‘rtta raketa uchirish qurilmasi, yettita minomyot nishonlagichi, to‘rtta yirik kalibrli pulemyot va bir nechta zirhli texnika birligi yo‘q qilindi.
Qurolli kuchlarning ko‘ngilli otryadlar bilan hamkorlikda o‘tkazilayotgan operatsiyadan ko‘zlangan asosiy maqsad Naynavani va uning markazi Mosul shahrini ozod qilishdir. Aholisi 1,5 million kishini tashkil etadigan Mosul 2014-yil 10-iyunida IShID tomonidan egallangan edi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo