Ofshorlar bo‘yicha “Panama hujjatlari” 9-may kuni to‘liq chop etilmaydi

Ofshorlar bo‘yicha “Panama hujjatlari” 9-may kuni to‘liq chop etilmaydi, deb yozadi “TASS” bosh qarorgohi Vashingtonda bo‘lgan Jurnalistlik tadqiqotlari xalqaro konsorsiumi (ICIJ) direktori Jerard Raylga tayanib.

Foto: EPA

Aprel boshidan buyon ICIJ va uning turli mamlakatlardagi media-sheriklari Panamaning Mossack Fonseca yuridik kompaniyasi arxividan chiqib ketgan ma’lumotlar asosida tayyorlangan maqolalarni tarqatish bilan shug‘ullanmoqda.
26-aprel, seshanba kuni ICIJ 9-may kuni arxivdagi hujjatlar ommaga oshkor etilishini e’lon qilgan edi. Ammo avvalroq Rayl ushbu hujjatlarni to‘liq holicha chop etish rejalashtirilmayotganini aytgan edi. Endi esa u buni tasdiqladi va tayyorlanayotgan maqola “boshlangan jarayonning bir qismi” ekanligini aytdi.
Uning so‘zlariga ko‘ra, “kompaniyalar nomlari, direktorlar ism-shariflari, manzillar” va boshqalardan iborat hujjatlar omma hukmiga havola etiladi.
Batafsil | Подробно | Read more... Daryo