Oliy Liga, 7-tur. “Lokomotiv” “Olmaliq” klubini yirik hisobda mag‘lub etdi

Futbol bo‘yicha O‘zbekiston Oliy Ligasining 7-turi “Lokomotiv” — “Olmaliq” o‘yini bilan start oldi va unda “temiryo‘lchilar” yirik hisobda zafar quchdi.

Foto: “Lokomotiv” FK matbuot xizmati

Birinchi bo‘limning dastlabki 15 daqiqasida mezbonlar 3 ta gol urishga muvaffaq bo‘ldi. Ikkinchi bo‘limning 20-daqiqasida bosh hakam Ravshan Ermatov olmaliqliklar darvozasi tomon penalti belgiladi va uni Server Jeparov aniq amalga oshirdi.
Server Jeparov “Olmaliq” darvozasini ishg‘ol qilishdan tashqari, Marat Bikmayev tomonidan urilgan har ikki golda assistentlik vazifasini o‘tab berdi. Qayd etish kerak, Jeparov Oliy Liganing so‘nggi uchta o‘yinida uchta gol urishga muvaffaq bo‘ldi.


“Lokomotiv” OChL guruh bosqichining so‘nggi turini “Bunyodkor” stadionida o‘tkazadi


“Olmaliq” ustidan qozonilgan g‘alabadan keyin “Lokomotiv” ochkolari sonini 19 taga yetkazib oldi. Klub o‘z maydonida biror marta ham ochko yo‘qotmadi. “Olmaliq” esa safarda kechgan 4 ta o‘yinda bitta ham ochko ishlamadi.
28-aprel sanasidan yana bitta o‘yin joy olgan bo‘lib, unda Qarshining “Nasaf” klubi o‘z maydonida “Andijon”ni qabul qiladi.


Oliy Liganing dastlabki olti turida kelishilgan o‘yinlar borligi aniqlanmadi


O‘zbekiston Oliy Ligasi
7-tur uchrashuvi
28-aprel, payshanba
“Lokomotiv” — “Olmaliq” 4:0
Gollar: Marat Bikmayev, 5 (1:0). Ikrom Aliboyev, 10 (2:0). Marat Bikmayev, 15 (3:0). Server Jeparov, 65-pen (4:0).
“Nasaf” — “Andijon”
29-aprel, juma
“Bunyodkor” — “Paxtakor”
30-aprel, shanba
“Metallurg” — “Qo‘qon—1912”
“So‘g‘diyona” — “Mash’al”
“Navbahor” — “Obod”
“Neftchi” — “Sho‘rtan”
“Qizilqum” — “Buxoro”
Batafsil | Подробно | Read more... Daryo