Facebook Sukerbergning himoyasiga 3 yilda 12 mln dollar sarfladi

Facebook uch yil davomida kompaniya rahbari Mark Sukerbergning xavfsizligini ta’minlashga 12 million dollar sarfladi. Bu haqda Bloomberg xabar bermoqda.

Foto: Global Look Press

Ijtimoiy tarmoq vakillarining so‘zlariga qaraganda, Sukerberg doimo tahdidlarga duchor bo‘ladi, shu bois uning San-Fransiskodagi uyi himoya tizimiga hamda sayohatlar payti birga yuradigan tan soqchilar jamoasiga millionlab dollar sarflanadi. Jamoaga Maxfiy xizmatning muqaddam AQSh prezidenti Barak Obamaga soqchilik qilgan sobiq xodimi rahbarlik qiladi.
2013-yilda Sukerbergning himoyasiga 2,65 million, 2014-yilda 5,6 million, 2015-yilda esa 4,26 million dollar sarflandi. Bu ko‘rsatkich bo‘yicha Sukerberg Standard & Poor’s agentligining reytingida birinchi o‘rinni egalladi. Ikkinchi o‘rinda Oracle kompaniyasi asoschisi Larri Ellison turibdi — uning xavfsizligini ta’minlashga 2015-yilda 1,53 million dollar sarflandi.
Batafsil | Подробно | Read more... Daryo