KOICA yangi Toshkent-4 terminali texnik-iqtisodiy asosini ishlab chiqish bo‘yicha loyiha doirasida seminar o‘tkazdi

Xalqaro hamkorlik bo‘yicha Koreya agentligi (KOICA) “O‘zbekiston havo yo‘llari” Milliy aviakompaniyasi bilan Toshkent shahridagi aeroportning yangi xalqaro yo‘lovchi terminali (Toshkent-4) qurilishi uchun texnik-iqtisodiy asos ishlab chiqish bo‘yicha loyiha doirasida oraliq seminar o‘tkazdi, deya xabar bermoqda UzDaily.

Foto: UzDaily

Ushbu loyiha O‘zbekiston va Koreya Respublikasi prezidentlari o‘rtasida 2015-yil mayida imzolangan beg‘araz yordam loyihalari ro‘yxatiga kiritilgan. Loyihani amalga oshirish 2016-yil yanvarida boshlangan bo‘lib, shu yilning iyulida yakunlanishi kutilmoqda.
Taklifga ko‘ra, Toshkent-4 terminalining qurilishi to‘rt yil davomida amalga oshiriladi. Yangi terminal maydoni hozirgisi (Toshkent-2)ga nisbatan ikki marta kattaroq bo‘ladi, yo‘lovchilarga xizmat ko‘rsatiladigan bino hajmi esa hozirgisini uch baravar ortda qoldiradi.
Batafsil | Подробно | Read more... Daryo