O‘zbekistonlik og‘ir atletikachilar Do‘stmurodov va Yefremov Osiyo chempionati sovrindori bo‘ldi

Toshkent shahrida og‘ir atletika bo‘yicha Osiyo chempionatining so‘nggi kuni doirasida -105 kilogramm vazn toifasidagi bellashuvlar bo‘lib o‘tdi, deb xabar bermoqda “Sports.uz”.

Ivan Yefremov. Foto: “Sports.uz”

Ushbu vaznda ikki nafar O‘zbekiston vakili Sardor Do‘stmurodov hamda Ivan Yefremov ishtirok etdi. Dast ko‘tarish bellashuvlarida Ivan Yefremov 183 kilogramm toshni o‘ziga bo‘ysundirib, oltin medalni qo‘lga kiritdi . Sardor Do‘stmurodov esa ushbu yo‘nalishda 168 kilogramm natija bilan oltinchi pog‘onadan joy oldi.
Dast ko‘tarish mashqida qo‘lga kiritilgan muvaffaqiyatdan so‘ng Ivan siltab ko‘tarishda 211 kilogramm natija bilan ushbu yo‘nalishda bronza medali sohibi bo‘ldi. Do‘stmurodov esa 218 kilogramm toshni o‘ziga bo‘ysundira oldi. Bu natija bilan Sardor kumush medali sovrindori bo‘ldi.

Sardor Do‘stmurodov. Foto: “Sports.uz”

Dast ko‘tarishda 180 kilogramm, siltab ko‘tarishda 221 kilogramm toshni o‘ziga bo‘ysundirgan eronlik Muhammadrizo Barori ikki kurash natijasiga ko‘ra Osiyo chempioniga aylandi. Ivan Yefremov ikki kurash natijasiga ko‘ra kumush, Sardor Do‘stmurodov esa bronza medaliga sazovor bo‘ldi.
Og‘ir atletika bo‘yicha Osiyo chempionati
30-aprel, shanba
-105 kg, dast ko‘tarish. Erkaklar
1. Ivan Yefremov (O‘zbekiston) – 183 kg
2. Salvon Jasim Abbod (Iroq) – 181 kg
3. Muhammadrizo Barori (Eron) – 180 kg
…
6. Sardor Do‘stmurodov (O‘zbekiston) – 168 kg …
-105 kg, siltab ko‘tarish. Erkaklar
1. Muhammadrizo Barori (Eron) – 221 kg
2. Sardor Do‘stmurodov (O‘zbekiston) – 218 kg
3. Ivan Yefremov (O‘zbekiston) – 211 kg
Ikki kurash natijasiga ko‘ra umumiy hisob
1. Muhammadrizo Barori (Eron) – 401 kg (180 kg + 221 kg)
2. Ivan Yefremov (O‘zbekiston) – 394 kg (183 kg + 211 kg)
3. Sardor Do‘stmurodov (O‘zbekiston) – 386 kg (168 kg + 218 kg)
Batafsil | Подробно | Read more... Daryo