Eng tez yuguruvchi toshbaqa va eng yungdor quyon – Ginnesning Rekordlar kitobi yangi qahramonlari (foto)

10-sentabr, payshanba kuni Ginnesning Rekordlar kitobining 2016-yilgi yangi nashri chiqdi. Kitob mualliflari yangi nashrga kiritilgan eng noyob rekordlarni taqdim etdi. Bu haqda Meduza xabar beradi.

Foto: Meduza

Berti laqabli toshbaqa o‘z turdoshlari orasida eng tez yuguruvchi toshbaqa sifatida rekord o‘rnatdi. 2014-yilning iyulida u bir soniya mobaynida 28 santimetr (soatiga 0,97 kilometr) masofani bosib o‘tib, 1977-yilgi rekordni yangiladi.

Foto: Meduza

Purin laqabli kuchuk esa panjalari bilan to‘p tutib olish bo‘yicha rekord o‘rnatdi. U bir daqiqada 14 ta to‘pni tutib olib, o‘zining 11 ta to‘pdan iborat rekordini yangiladi.

Foto: Meduza

Ikki yoshli angliyalik angor quyoni – Francheska quyonlar orasida “eng uzun yung sohibi” nomini oldi. Uning yungi uzunligi 36,5 santimetrni tashkil etadi.

Foto: Meduza

Shoxlarining uzunligi 292,1 santimetrni tashkil etuvchi “Katta Qizil 907” buqa ham Ginnesning Rekordlar kitobiga kiritildi.

Foto: Meduza

Xitoylik sportchilar Sun Minmin va Syuy Yan – eng baland bo‘yli juftlik sifatida qayd etildi. Ularning birgalikdagi bo‘yi 423,47 santimetrdan iborat. Minmin basketbolchi, Yan esa gandbolchidir.

Foto: Meduza

20 yoshli venesuelalik Jeyson Orlando Rodrigez Xernandez – eng katta oyoqlar sohibidir. Uning o‘ng oyog‘i uzunligi 40,1 santimetr, chapi esa 39,6 santimetrdir.

Foto: Meduza

Eng baland kovboy etigi haykalini 72 yoshli Bob Ueyd Texasning San-Antonio shahrida o‘rnatdi. Etiklarning balandligi – 10,4 metr.

Foto: Meduza

Eng katta xot-dog tashuvchi aravacha amerikalik 44 yoshli Markus Deyli tomonidan yaratildi. Balandligi 3,72 metr, uzunligi 7,06 metr va eni 2,81 metrni tashkil etuvchi aravacha Deyliga kuniga 300 kishiga xizmat ko‘rsatish imkonini beradi.

Foto: Meduza


Foto: Meduza

Germaniyalik Andre Ortolf Ginnesning Rekordlar kitobida uch marta qayd etildi: u yuz metrlik masofani chang‘i oyoq kiyimida (17,65 soniya) va yog‘och boshmoqlarda (16,27 soniya) eng tez yugurib o‘tdi.

Foto: Meduza

U, shuningdek, no‘xat donasini eng uzoq masofaga – 7,51 metrga tupurgan.

Foto: Meduza

Hindistonliklar 5,5 metr uzunlikdagi va 37 kilogramm og‘irlikdagi eng katta sharikli ruchka bilan rekord o‘rnatdi.

Foto: Meduza

Hindistonlik 27 yoshli Vidjay Kumar og‘zidagi 37 ta tishi bilan rekord o‘rnatdi.
Batafsil | Подробно | Read more... Daryo