La Liga, 36-tur. Madrid derbisida “Atletiko” “Rayo Valyekano”ni kichik hisobda mag‘lubiyatga uchratdi

Ispaniya chempionati 36-turida Madridning ikki klubi – “Atletiko” va “Rayo Valyekano” o‘zaro bahs olib bordi. “Visente Kalderon” stadionida o‘tkazilgan ushbu o‘yinda “Atletiko” 1:0 hisobida zafar quchdi.

Foto: The Mirror

O‘yinning 55-daqiqasida zaxiradan maydonga tushgan Antuan Grizmann to‘pga birinchi teginishdayoq gol kiritib, jamoasiga g‘alaba keltirgan gol muallifi bo‘ldi.
Ushbu g‘alaba Diyego Simeone shogirdlari uchun qatorasiga oltinchisi bo‘ldi. Ochkolar sonini 85 taga yetkazib olgan “Atletiko” Madridning boshqa bir klubi, 36-turda “Real Sosyedad”ni 1:0 hisobida mag‘lub qilgan “Real”ni birinchi o‘rindan ikkinchi pog‘onaga siljitdi.
82 ochko bilan hozircha uchinchi o‘rinda borayotgan “Barselona” 36-turda “Betis”ga qarshi bahs yuritadi.
Ispaniya chempionati, 36-tur
“Atletiko” – “Rayo Valyekano” 1:0 (0:0)
Gol: 1:0 – 55 Grizmann.
“Atletiko” – Oblak, Lyuka Ernandes, Games, Xuanfran, Ximenes, Oliver Torres (Grizmann, 55), Kranevitter, Gabi (Koke, 46), Parti, Korrea, Vyetto (Fernando Torres, 54).
“Rayo Valyekano” – Xuan Karlos, Lyorente, Amayya (Manushu, 64), Krespo, Marin, Xosabed, Embarba, Tito, Gerra, Miku, Bebe (Piti, 58; Xoni Montel, 84).
Ogohlantirishlar: Bebe (35), Kranevitter (68).
29-aprel, juma
“Sporting” Xixon – “Eybar” 2:0
30-aprel, shanba
“Real Sosyedad” – “Real” 0:1
“Betis” – “Barselona”
1-may, yakshanba
“Granada” – “Las-Palmas”
“Atletik” Bilbao – “Selta”
“Espanyol” – “Sevilya”
“Deportivo” – “Xetafe”
“Valensiya” – “Vilyarreal”
2-may, dushanba
“Malaga” – “Levante”
Batafsil | Подробно | Read more... Daryo