APL, 36-tur. “Liverpul” Uelsda mag‘lub bo‘lib, kuchli to‘rtlikka kira olmasligi oydinlashdi

Yurgen Klopp boshchiligidagi “Liverpul” klubi Angliya Premyer-ligasining kuchli to‘rtligiga kira olmaydi. So‘nggi umid Uelsda puchga chiqdi.

Foto: The Telegraph

Asosiy e’tiborini Yevropa Ligasida zafar quchish va shu yo‘l orqali kelasi mavsum Yevropa Chempionlar Ligasida ishtirok etishga qaratayotgan “Liverpul” “Suonsi”ga imkoniyatni boy berdi. Tarkib tanlashda Yurgen Klopp eksperimentga qo‘l urdi hamda boshlang‘ich tarkibda bir qator zaxira futbolchilarini sinab ko‘rdi.
Buning natijasida Uels klubi birinchi bo‘limning o‘zidayoq ikkita gol urishga muvaffaq bo‘ldi. Qo‘shimchasiga, o‘yin yakuniga 15 daqiqa vaqt qolganida liverpulliklar maydonda bir kishi kam bo‘lib qoldi.
35 ta o‘yinda maydonga tushgan “Liverpul” 55 ochko bilan APLning 7-pog‘onasini egallab turibdi. “Suonsi” esa ochkolari sonini 43 taga yetkazib, 13-o‘ringa ko‘tarildi.
Angliya Premyer-ligasi
36-tur bellashuvi
1-may, yakshanba
“Suonsi” — “Liverpul” 3:1
Gollar: Andre Ayyu, 20 (1:0). Jek Kork, 33 (2:0). Kristian Benteke, 65 (2:1). Andre Ayyu, 67 (3:1).
Chetlatish: Bred Smit, 76 (L).
“Liverpul”: Denni Uord, Deyan Lovren, Nataniel Klayn, Bred Smit, Martin Shkrtel, Jordan Ayb (Kemeron Brennegan, 80), Kevin Styuart, Sheyi Odjo, Pedro Chirivelya (Kristian Benteke, 46), Deniel Starrij, Filipe Koutinyo (Lukas).
Batafsil | Подробно | Read more... Daryo