La Liga. Bilbaoning “Atletik” klubi kuchli to‘rtlikka kirish uchun yana bir qadam tashladi

Futbol bo‘yicha Ispaniya La Ligasining 36-turida zafar quchgan Bilbaoning “Atletik” klubi 4-o‘rinni egallab turgan “Vilyarreal” bilan oradagi farqni 3 ochkogacha qisqartirib oldi.

Foto: Sports Interactive Community

Yevropa Chempionlar Ligasida ishtirok etishdan umidini uzmagan klublar — “Atletik” hamda “Selta”ning o‘zaro o‘yinida mezbonlar 2:1 hisobida zafar quchdi. Bellashuv debyuti Vigo klubi uchun omadli kelib, “Selta” hisobda oldinga chiqib olgandi.
37-daqiqaga kelib bosh hakam mehmonlar darvozasiga penalti belgiladi, oradan uch daqiqa o‘tib esa “Selta” futbolchisi Gustavo Kabralni maydondan chetlatdi.
36-turdan keyin “Atletik” 58 ochkoga ega. Bugun, 1-may kuni tunda “Valensiya”ga qarshi maydonga tushadigan “Vilyarreal” hisobida 61 ochko bor. Qayd etish kerak, “Vilyarreal” Yevropa Ligasidagi yurishini davom ettirayotgan bo‘lsa, “Atletik” chorak finalda musobaqa bilan xayrlashgan.
57 ochkosi bor “Selta” ham Chempionlar Ligasidan umidini uzmagan. “Valensiya”ga qarshi o‘yinda “Vilyarreal”ning ehtimoliy g‘alabasi Vigo jamoasining kuchli to‘rtlikka kira olmasligini ta’minlab beradi.
Ispaniya La Ligasi
36-tur bellashuvlari
1 may, yakshanba
“Atletik” — “Selta” 2:1
Gollar: Fabio Orelyana, 13 (0:1). Arits Aduris, 38-pen (1:1). Raul Garsiya, 72 (2:1).
Chetlatish: Gustavo Kabral, 40 (S).
Batafsil | Подробно | Read more... Daryo