Obamaning to‘ng‘ich qizi Garvard universitetiga o‘qishga kirishga qaror qildi

Amerika prezidenti Barak Obamaning to‘ng‘ich qizi Maliya Garvard universitetiga o‘qishga kirishni rejalashtirmoqda. Bu haqda Oq uy xabariga tayanib, The New York Times ma’lum qildi, deb yozadi “RBK”.

Foto: “Politico.com”

Ammo iyulda 18 yoshga kiradigan Maliya Obama maktabni bitirgach, bir yilga ta’til olib, 2017-yildagina universitetga kirmoqchi. Gazeta ta’kidlashicha, bunday qaror amerikalik bitiruvchilar orasida ommabop bo‘lib, ular ko‘pincha bu bir yilni sayohatlarga bag‘ishlab, shundan keyingina kollejda o‘qishni boshlashni afzal ko‘radi. Garvard o‘z talabalarini bunday tashabbusga faol ravishda undaydi.
Barak Obama ham, uning rafiqasi Mishel ham Garvard universitetining huquqshunoslik maktabini bitirgan. NYT ta’kidlashicha, Maliya Obama ko‘plab AQSh prezidentlarining aynan Garvardda o‘qishga qaror qilgan farzandlari qatoriga kirishi mumkin. Ular orasida Avraam Linkolnning o‘g‘li, Jon Kennedining, shuningdek, kichik Jorj Bushning qizi bor.
Batafsil | Подробно | Read more... Daryo