Tayson Fyuri Vladimir Klichko bilan revansh jangidan so‘ng karyerasini yakunlaydi

Jahon boks assotsiatsiyasi (WBA) va Jahon boks tashkiloti (WBO) versiyalari bo‘yicha super og‘ir vaznda jahon chempioni Tayson Fyuri ukrainalik Vladimir Klichkoga qarshi revansh jangidan so‘ng o‘z karyerasini yakunlaydi. Bu haqda Fyuri iFL TV efirida ma’lum qildi, deb yozadi “TASS”.

Foto: AP

2015-yil noyabrida Germaniyadagi 12 raundli jangda Fyuri Klichkoni hakamlarning bir ovozdan bergan qarori bilan ochkolar bo‘yicha yutgan hamda Xalqaro boks federatsiyasi (IBF), WBO va WBA versiyalari bo‘yicha jahon chempioniga aylangan edi . Keyinroq britaniyalik sportchi majburiy himoya o‘tkazishdan bosh tortgach, IBF unvonidan ayrildi.
“Men bularning barchasidan shunchalik charchadimki, — dedi Fyuri. — Boks tushish istagim yo‘q. Navbatdagi jangni o‘tkazganimdan so‘ng boshqa kurashmayman”.
Klichko va Fyuri o‘rtasidagi revansh jangi 9-iyul kuni Manchesterda bo‘lib o‘tadi.
Batafsil | Подробно | Read more... Daryo