“Shaxtyor” – “Dinamo Kiyev” uchrashuvidagi janjal tufayli uch futbolchi va murabbiy maydondan chetlatildi (video)

Futbol bo‘yicha Ukraina chempionatining 24-turidan o‘rin olgan Donetskning “Shaxtyor” hamda Kiyevning “Dinamo” klublari o‘rtasidagi uchrashuvda futbolchi va murabbiylar orasida ommaviy janjal kelib chiqdi. Bu haqda “Sports.ru” xabar bermoqda .

Foto: Dnepr.Press

“Shaxtyor”ning 3:0 hisobidagi g‘alabasi bilan yakunlangan o‘yinning 78-daqiqasida “konchilar” tomonidan kiritilgan uchinchi goldan so‘ng, mag‘lubiyat alamida bo‘lgan “Dinamo” futbolchilari maydonda janjalni yuzaga keltirdi. Buning oqibatida uchrashuv bosh hakami Yuriy Mojarovskiy “Dinamo” yarim himoyachisi Andrey Yarmolenko hamda “Shaxtyor” a’zosi Taras Stepanenkoni maydondan chetlatdi.
Shuningdek, hakam texnik zonadan “Shaxtyor” bosh murabbiyi Mircha Luchesku hamda maydonga tushmagan bo‘lsa-da, janjalda ishtirok etgan “Shaxtyor” himoyachisi Aleksandr Kucherni ham chetlatdi.



Qayd etish joiz, yarim yil avval jamoalar ishtirokidagi o‘yinda Yarmolenko va Stepanenko o‘rtasida mojaro kelib chiqqandi. O‘shanda “Dinamo” yarim himoyachisi “Shaxtyor” a’zosining futbolkasini maydonga tashlab yuborgandi.
Batafsil | Подробно | Read more... Daryo