Varshavada O‘zbekiston—Polsha siyosiy maslahatlashuvlarining 6-raundi bo‘lib o‘tdi

2015-yilning 10-sentabr kuni Varshava shahrida O‘zbekiston va Polsha tashqi ishlar vazirliklari o‘rtasida siyosiy maslahatlashuvlarning 6-raundi bo‘lib o‘tdi. Bu haqda O‘zbekiston Tashqi ishlar vazirligi matbuot xizmati xabar bermoqda .

Foto: O‘zbekiston Tashqi ishlar vazirligi

Polsha delegatsiyasiga tashqi ishlar vaziri o‘rinbosari Konrad Pavlik boshchilik qildi.
Uchrashuvda davlatlararo sermahsul hamkorlik hozirgi kunda siyosiy, savdo-iqtisodiy, madaniy-gumanitar va boshqa sohalarda qariyb 50 ta ikki tomonlama hujjatlarni o‘z ichiga olgan mustahkam shartnoma-huquqiy asosga hamda hamkorlikning mavjud qo‘shma mexanizmlariga asoslanganligi ta’kidlandi.
Muzokaralar davomida turli sohalarda o‘zaro manfaatli aloqalarni, jumladan O‘zbekiston va Polsha ishbilarmon doiralari o‘rtasidagi hamkorlikni, biznes-delegatsiyalarning o‘zaro tashriflarini hamda ikki davlat investitsiya salohiyatlariga bag‘ishlangan forum va taqdimotlar o‘tkazishni yanada qo‘llab-quvvatlashga ikki tomon ham tayyor ekanligi bildirildi.
Maslahatlashuvlar davomida O‘zbekiston—Polsha kun tartibining boshqa masalalari ham ko‘rib chiqildi.
Uchrashuv yakunlari ko‘ra, O‘zbekiston Respublikasi Hukumati bilan Polsha Respublikasi Hukumati o‘rtasida diplomatik pasport egalarining o‘zaro vizasiz safarlari to‘g‘risidagi Bitimni imzolash marosimi o‘tkazildi.
Batafsil | Подробно | Read more... Daryo