Afg‘onistonlik tarjimon Britaniyadan boshpana haqidagi so‘roviga rad javobi olgach, o‘z joniga qasd qildi

Muhojirga aylangan afg‘onistonlik tarjimon Nangialay Davudzay Birlashgan Qirollikning immigratsiya bo‘yicha ma’murlaridan boshpana taqdim etish so‘roviga rad javobi olgach, o‘z joniga qasd qildi, deb yozadi “TASS” The Times gazetasiga tayanib.

Foto: “Vice.com”

U Britaniya armiyasiga uning Gilmend provinsiyasidagi toliblarga qarshi jangovar harakatlari chog‘ida professional tarjimonlik xizmatini ko‘rsatgan edi. Afg‘onistonlikning jasadi Birmengem tashqarisidan topilgan. Hodisa bilan bog‘liq tafsilotlar esa keltirilmayapti.
“U Yevropaga kelib, Italiyada barmoq izlarini topshirgani aniqlangach, uning siyosiy boshpana haqidagi so‘rovi rad etildi. Bu shuni bildiradiki, u aynan o‘sha yerda boshpana huquqini so‘rab olishi kerak edi”, — deyiladi nashr xabarida.
Hukumatdan javob kelganida u Birmingemdagi xostelda edi. Tarjimonni hibsga olib, muhojirlarni vaqtinchalik saqlash markazida 18 kunga qoldirishdi, bu vaqt davomida uning hujjatlarini rasmiylashtirishdi.
Afg‘onistonlik tarjimon hayoti jiddiy xavf ostida ekanligi, ammo bu hech kimni qiziqtirmasligini aytib, tushkunlikka tushib qolgan. Davudzayning hamkasbi, Rafi ismli afg‘onistonlik tarjimon so‘zlariga ko‘ra, u britaniyaliklarga qachondir yordam bergani uchun, endi ularning mamlakati unga yordam berishiga ishongan edi.
Xabarlarga ko‘ra, Britaniya qo‘shinlari bilan ishlagan afg‘onistonlik tarjimonlardan yana kamida uch nafariga xuddi shu sabab bilan boshpana borasida rad javobi berilgan.
Batafsil | Подробно | Read more... Daryo