Fotogalereya: Tokio tramvayi

Tokioda tramvay 1903-yili ish boshlagan bo‘lib, o‘z taraqqiyotining cho‘qqisida shaharda 213 kilomter tramvay yo‘li, 41 ta tramvay yo‘nalishi mavjud edi, u har kuni 1,5 million yo‘lovchiga xizmat ko‘rsatardi, deb yozadi bloger Ilya Varlamov. Biroq avtomobillar soni ko‘payishi va shahar ko‘chalarining torligi sabab, u samaradorlik bo‘yicha avtobus va metroga imkoniyatni boy berdi. 1967—1972-yillar mobaynida shaharda 181 kilometr tramvay yo‘li demontaj qilindi.

Foto: Ilya Varlamov

Tokioda tramvayning tugatilishi an’anaviy xayrlashuv marosimlari va tramvayga qaratilgan ta’sirli xayrlashuv so‘zlarisiz bo‘lishi mumkin emas edi. 1967-yili olingan quyidagi suratlarda tramvay bilan xayrlashayotgan tokioliklar aks etgan:

Foto: Ilya Varlamov

“Sadoqatli xizmating uchun rahmat, hurmatli tramvay!”.

Foto: Ilya Varlamov

SONY binosidagi yozuv: “Xayr, tramvay”.

Foto: Ilya Varlamov

Hozir Tokioda faqat bitta — Arakava tramvay yo‘nalishi mavjud. U ham yopilib ketishi mumkin edi, biroq shahar aholisining talabi bilan saqlab qolingan va 1974-yili Tokio transport byurosi boshqaruviga topshirilgan.

Foto: Ilya Varlamov

Yo‘nalishning uzunligi 12,5 kilometr bo‘lib, uning eng eski bo‘laklari 1913-yilda qurilgan. Tramvaylar 30 bekatdan iborat yo‘nalishni 50 daqiqada bosib o‘tadi.

Yaponiya jamoat transportining 100 yilligi tantanalaridan lavha, Tokio, 2011-yil. Foto: Ilya Varlamov

Tramvay — shunchaki bir hududiy transport emas, balki o‘tmishga ko‘rsatilgan hurmat belgisi va eski Tokio ruhini saqlab qolish yo‘lidagi bir urinishdir. Mazkur attraksion sayohatchini Tokioning zamonaviy tumanlariga o‘xshamas boshqa — samimiyroq tomoniga ohista olib kiradi.

Foto: Ilya Varlamov

Ba’zi joylarda tramvay uylardan bir necha santimetr beridan o‘tgan bo‘lib, oddiy tokioliklarning turmushiga bir nazar tashlash uchun yo‘lovchida zo‘r imkoniyat hosil bo‘ladi. Bu kabi ko‘hna dahalarda asosan keksalar — aynan an’anaviy yaponcha hayot tarzini olib boruvchi kishilar istiqomat qiladi. Shuningdek, tramvay xiyobon va qabristonlar orasidan, oilaviy do‘konchalar va hunarmandchilik ustaxonalari joylashgan tor ko‘chalardan o‘tadi.

Foto: Ilya Varlamov

Tramvay sayohatchilar orasida ancha ommabop. Uning faoliyati katta foyda keltirmasa-da, ma’muriyat har hafta turli tadbir va festivallar tashkil etish bilan tramvayni qo‘llab-quvvatlashga harakat qiladi. Bundan tashqari, aqlga sig‘ishi mumkin bo‘lgan har turli tramvay-suvenirlarni — xohlang vagon ko‘rinishidagi shirinlik, istasangiz tramvayning kichik modelini xarid qilish mumkin.

Foto: Ilya Varlamov

Eski davrlarga xos muhitni saqlab qolish maqsadida, Tokioda zamonaviy tramvaylardan foydalanilmaydi. Eng eski tramvay modellari ham 1954-yildan beri o‘zgartirilmagan, yangilarining (2009-yilda yo‘lga tushirilgan) ham ko‘rinishi eski tramvaylarga xos uslubda. Bir juft retro-tramvay ham bor, bekatlardan biridan esa “Xotiralar maydoni” mavjud — bu yerda xizmatini o‘tab bo‘lgan tramvaylarni tomosha qilish mumkin.

Foto: Ilya Varlamov

Tramvaylar va bekatlarning tashqi ko‘rinishida o‘tmish belgilarini saqlab qolishga harakat qilingani bilan, bekatlar ham, tramvaylarning o‘zi ham eng zamonaviy yapon standartlari bo‘yicha jihozlangan. Har bekatda hojatxonalar, yo‘l ko‘rsatkichlar, axborot taxtalari, imkoniyati cheklangan kishilar uchun shart-sharoit, vagonga nogironlik aravachasida kirish va chiqish uchun pandus kabilar bor.

Foto: Ilya Varlamov

Yaponiyadagi har qanday jamoat transportida bo‘lgani kabi, tramvayda ham mobil telefonda gaplashish nomaqbul harakat hisoblanadi.

Foto: Ilya Varlamov

Mamlakatda hamma tramvaylar ham xotira ramzi vazifasini o‘tamaydi. Ko‘plab shaharlarda ko‘rinishi juda zamonaviy tramvaylar qatnaydi. Masalan, Sapporoda:

Foto: Ilya Varlamov

Toyama

Foto: Ilya Varlamov

Xirosima

Foto: Ilya Varlamov



Fotogalereya: Jahon shaharlari tramvaylari



Batafsil | Подробно | Read more... Daryo