Abdulaziz Kamilov Litvaning yangi tayinlangan elchisini qabul qildi

2015-yilning 11-sentabr kuni O‘zbekiston Respublikasi Tashqi ishlar vaziri Abdulaziz Kamilov Litva Respublikasining yangi tayinlangan Favqulodda va Muxtor Elchisi (qarorgohi Moskva shahrida) Remigiyus Motuzasni qabul qildi. Bu haqda O‘zbekiston TIV matbuot xizmati xabar bermoqda .

Foto: O‘zbekiston Tashqi ishlar vazirligi

Elchi O‘zbekiston Respublikasi Prezidenti nomiga yo‘llangan ishonch yorliqlarini topshirdi.
An’anaviy do‘stona O‘zbekiston—Litva munosabatlarining dolzarb masalalarini muhokama qilish chog‘ida turli sohalardagi hamkorlikni kengaytirishdan ikki tomon ham manfaatdor ekanligini ta’kidlandi, xususan vazirliklararo muloqotni faollashtirish, O‘zbekiston – Yevropa Ittifoqi shakli va xalqaro tashkilotlar doirasidagi aloqalarni mustahkamlash qayd etildi.
Uchrashuvda savdo-iqtisodiy va madaniy-gumanitar sohalardagi ikki tomonlama aloqalarni mustahkamlashning amaliy jihatlari ham ko‘rib chiqildi.
Batafsil | Подробно | Read more... Daryo