5-may kuni Buxoro va Surxondaryoda havo harorati +35 darajagacha isiydi

O‘zbekiston bo‘yicha 5-may, payshanba kuni faqat Qoraqalpog‘iston Respublikasi va Xorazm viloyatida yog‘ingarchilik kutiladi. Bu haqda “O‘zgidromet” markazi xabar bermoqda .

Buxoro viloyati. Foto: O‘zA

Xabar berishlaricha, 5-mayga o‘tar kechasi O‘zbekistonning tog‘li hududlarida havo harorati +5…+10 daraja iliq bo‘ladi, Qashqadaryo va Surxondaryo viloyatlarida esa +20 darajagacha ko‘tarilishi mumkin, qolgan hududlarda +12…+17 daraja iliq oralig‘ida bo‘lishi kutilmoqda.
5-may kuni kunduzi O‘zbekistonning tog‘li hududlarida +15…+20 daraja, Qoraqalpog‘iston Respublikasi va Xorazm viloyatida +22…+27 daraja, Toshkent shahrida +26…+28 daraja iliq bo‘lishi kutilmoqda. Qolgan hududlarda havo harorati +30 darajaga yetishi, Buxoro, Navoiy, Qashqadaryo va Surxondaryo viloyatlarida +35 darajagacha ko‘tarilishi mumkin.
Payshanba kuni faqat Qoraqalpog‘iston Respublikasi va Xorazm viloyatining ayrim hududlarida yomg‘ir yog‘ishi, momaqaldiroq bo‘lishi kutilmoqda. Mamlakatning qolgan hududlarida yog‘ingarchilik kutilmaydi.
Batafsil | Подробно | Read more... Daryo