Merkuriyning Quyosh gardishini kesib o‘tishini 9-may kuni kuzatish mumkin bo‘ladi

9-may, dushanba kuni kamyob astronomik hodisani kuzatish mumkin bo‘ladi: shu kuni Merkuriy Quyosh gardishini kesib o‘tadi, deya xabar bermoqda Afisha Daily. Bunday voqea har yuz yilda o‘rtacha 13 marta sodir bo‘ladi.

Foto: “Spacegid.com”

Yerdan turib kuzatganda Merkuriy Quyosh gardishi bo‘ylab siljib borayotgan kichkina qora nuqtacha sifatida ko‘rinadi. Ammo buni oddiy ko‘z bilan ko‘rib bo‘lmaydi, kamida durbin kerak bo‘ladi. Merkuriyning ushbu “sayohat”i Toshkent vaqti bilan 16:12 da boshlanib, 23:41 gacha davom etadi.
Merkuriy Quyosh va kuzatuv nuqtasining ayni o‘rtasida harakatlanishidan iborat astronomik o‘tish ilk marotaba fransiyalik astronom Pyer Gassendi tomonidan 1631-yil 7-noyabrda tavsiflangan edi. Hodisa olimlarga Merkuriy gardishini o‘lchash va Yerdan Quyoshgacha bo‘lgan masofani baholash imkonini bergan.
Batafsil | Подробно | Read more... Daryo