Avstraliya mudofaa vaziri IShIDning 2 nafar avstraliyalik terrorchisi yo‘q qilinganligini ma’lum qildi

Avstraliya mudofaa vaziri Maris Peyn Iroqda AQSh Harbiy-havo kuchlari samolyotlari tomonidan IShID guruhining avstraliyalik ikki nafar terrorchisi yo‘q qilinganligini ma’lum qildi, deb xabar beradi “TASS”.

Foto: ABC News

29-aprel kuni Iroqning Mosul shahriga uyushtirilgan aviahujumda IShID guruhida yuqori lavozimni egallagan Nil Kristofer Prakash yo‘q qilingan .
Vazir, shuningdek, 22-aprel kuni Suriyaga aviahujum davomida Farhod Jabarning opasi Shadi Jabarning yo‘q qilinganligini ma’lum qildi. Farhod Jabar 2015-yilning oktabrida Sidney politsiyasi xodimini o‘ldirgan, o‘zi esa politsiyachilarning unga javoban o‘t ochishi oqibatida halok bo‘lgan edi. Mazkur jinoyatdan so‘ng, Shadi Jabar Avstraliyani yashirincha tark etib, biroz vaqtdan so‘ng Yaqin Sharqda paydo bo‘lgandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo