Tojikiston prezidenti 9-may arafasida urush va mehnat faxriylariga 250 dollardan to‘lashni buyurdi

Tojikistonda yashayotgan Ikkinchi jahon urushi faxriylari va front ortidagi mehnatkashlarga ikki ming somoniy (taxminan 250 dollar)dan to‘lanadi. Tojikiston prezidenti Emomali Rahmonning tegishli buyrug‘i G‘alabaning 71 yilligi arafasida e’lon qilindi, deb yozadi “TASS”.

Foto: Getty Images

Tojikiston prezidenti matbuot xizmati ma’lumotlariga ko‘ra, ayni paytda mamlakatda ikki mingga yaqin sobiq urush qatnashchilari va front orti mehnatkashlari istiqomat qiladi.
9-may arafasida respublikada Rossiyaning “Ural-Yevrosiyo” ekspert klubi, Tojikiston ta’lim vazirligi va Rossiya-Tojikiston universiteti tomonidan tashkil qilingan xalqaro davra suhbati bo‘lib o‘tadi, shuningdek, Markaziy harbiy okrug ansambli hamda boshqa professional va havaskor kollektivlar konsertlari o‘tkaziladi.
Batafsil | Подробно | Read more... Daryo