Kecha, 4-may kuni O‘zbekiston futbol federatsiya hamda O‘zbekiston Milliy olimpiya qo‘mitasi prezidenti Mirabror Usmonov “Ardus” va “Do‘stlik-AIN” jamoalari o‘rtasida kechgan yarim final uchrashuvini tomosha qilish uchun “O‘zbekiston” sport majmuasiga tashrif buyurdi. “Ardus”ning 7:2 hisobidagi g‘alabasi bilan yakunlangan o‘yindan so‘ng, Mirabror Usmonov “Sport” telekanaliga intervyu berdi. Bu haqda O‘zbekiston futbol federatsiyasi matbuot xizmati xabar bermoqda .
Foto: O‘FF matbuot xizmati
“Futzal bo‘yicha O‘zbekiston terma jamoasining jahon chempionatiga yo‘llanmani qo‘lga kiritishi o‘z-o‘zidan bo‘lgani yo‘q. Bu yutuqning ortida eng avvalo hukumatimizning sportni rivojlantirishga ko‘rsatayotgan g‘amxo‘rligi, O‘zbekiston futbol federatsiyasi va O‘zbekiston futzal uyushmasi tomonidan amalga oshirilgan katta hajmdagi ishlar, ishqibozlarning qo‘llab-quvvatlashi, OAV, xullas, kattadan katta mehnat yotibdi, desam adashmagan bo‘laman”, – dedi Mirabror Usmonov.
Mirabror Usmonov, shuningdek, futzal bo‘yicha Toshkentda bo‘lib o‘tgan Osiyo chempionati haqidagi savolga javob berarkan, ishqibozlarning jonkuyarligidan hayratda qolganligini aytib o‘tdi.
“Odamlar nafaqat futzalga kelib, futzal ko‘rishni, balki turli musobaqalarda dunyoni havas qildiradigan darajada muxlislik qilishni boshladi. Odamlar futzalchilarni nafaqat taniy boshladi, balki ularni o‘zlariga kumir qilib oldi. Toshkentdagi Osiyo chempionatida bizning muxlislar shunaqa chiroyli muhitni yaratib berishdiki, OFK e’tirofi o‘z yo‘liga, men ular ichida o‘tirgan bir o‘zbekistonlik sifatida ular bilan faxrlandim. Terma jamoamiz bunday muxlislikdan keyin jahon chempionatiga chiqmasa bo‘lmasdi”, – deydi Mirabror Usmonov.
Mirabror Usmonov milliy terma jamoa mavzusidagi savollarga ham javob berdi.
“Biz terma jamoalarga ularning xalqaro musobaqalarda muvaffaqiyat qozonishi uchun yetarli shart-sharoitlarni yaratib berdik. Poydevor qurdik. Zamin hozirladik. Endi jahon chempionatiga chiqish vaqti keldi va biz buning uchun bor imkoniyatimizni ishga solamiz”, – deydi federatsiya prezidenti.
Mirabror Usmonovning intervyusi shu haftada “Sport” telekanalida namoyish etiladi.
Batafsil | Подробно | Read more... Daryo
Top News
-
"Олимпиакос" ярим ҳимоячиси: "Жамоа тарихга кирди"
"Олимпиакос" ярим ҳимоячиси Сантьяго Эссе Конференциялар лигаси финалида "Фиорентина" устидан қозонилган ғалаба (1:0) ҳақида фикр билдирди.
-
Конференциялар лигасида ҳафтанинг энг яхши футболчиси бўлишга даъвогарлар эълон қилинди
УЕФА матбуот хизмати Конференциялар лигасида ҳафтанинг энг яхши футболчиси номига даъвогарларни эълон қилди.
-
Qirg‘iziston parlamenti oiladagi zo‘ravonlik uchun jazoni kuchaytirishga qarshi chiqdi.
Deputatlar qirg‘iz mentalitetini unutmaslikka chaqirib, qonun loyihasini qaytarib yuborishdi..
-
О мерах по организации деятельности Государственной академии спорта Узбекистана
Постановление Президента Республики Узбекистан №ПП-197. Дата принятия 28.05.2024. Дата вступления в силу 29.05.2024
-
Сауль Альварес мутлақ жаҳон чемпионлиги унвонидан маҳрум бўлиши мумкин
Иккинчи ўрта вазн тоифасида мутлақ жаҳон чемпиони Сауль Альварес IBF камаридан воз кечишни режалаштиряпти.
-
"Интер Майами"нинг мағлубиятсиз серияси узилди
"Интер Майами"нинг 8 ўйинлик мағлубиятсиз серияси узилди.